sirif tum

Pyaar Ka Meetha Ehsaas

Pyaar ka meetha ehsaas dilaane laga hai tu,

Ab to mujh se mujhi ko churaane laga hai tu.

Teri chahton ka chaaya hai saroor is qadar,

Har pal har jagah nazar aane laga hai tu.

Veeraan thi yeh zindagi tere aane se pehle,

Khushiyon ke sapne mujhe dikhaane laga hai tu.

Har pal mujhe hota hai bas tera hi ehsaas,

Is qadar meri saanson mein samaane laga hai tu.

Ek pal ki bhi doori seh nahi paata hoon main,

Hoke juda kiyon mjhe azmaane laga hai tu.

Raah chalte hue aksar hota hai yeh gumaan,

Ke ban ke saaya saath mere aane laga hai tu.

Naam koi bhi loon to naam aaya tera labon pe,

Ban ke jadu meri rooh mein samaane laga hai tu.

Teri yaadon se hi aksar hota hai dil munawwar mera,

Ghul ke saath lahoo ke,nas nas mein samaane laga hai tu.

Jaane kon si dor hai,teri aur kheench le jaati hai,

Mujh ko apna deewana banaane laga hai tu.

Tasuvvar mein aksar hota hai yeh mehsoos mujhe,

Chorr ke duniya,meri baahon mein samaane laga hai tu.

Yeh to bataa ke kya naam doon iss deewangi ko,

Bechain kar ke har lamha mujhe tadpaane laga hai tu.

Tere khayalon se mehekne lagti hai zindagi meri,

Mere zehn-o-dil pe iss qadar chhaane laga hai tu.

Yeh masoomiyat yeh bholapan yeh saadgi teri,

mujh ko har adaa se ab sataane laga hai tu.

Zeest ki raahon mein dhoop thi har taraf,

Apne pyaar ki baarish ko barsaane laga hai tu.

Kya iss baat ka tujhe ehsaas hai jaan

Mere har shehr mein har gazal mein aane laga hai tu.

=======================================


Not myn frends its relly good,

Hey friend, go through the incidents and the respective dialogues, and the coll day memories will b back…..!!!!

1. On being Late

“Kab shuru hua?”

“Attendance ho gayi kya??”

“Kal raat der tak gappe marte rahe yaar”

“Mein kya karu, wo bathroom mein ghusa hua tha”

“Aab nind nahi khuli to mein kya karu……… bolna …….. kal kya padaya tha sir ne”

“Kal se pakka class karunga”

“Ek page de na………. abe pen bhi to de…….”

“Yaar iss class ke liye koi subah kaise aa sakta hai……..”

2. During the lecture

“Yesss !!!! Sir…….The answer is …….huuuummmmm…….aaaaaaaa…………”

“No sir…..I know the answer …….sir….”

“Saala apne aapko Newton samajta hai”

“Abe lecture ko chod….. dekh wo kya lag rahi hai aaj……..”

“Uske bagal mein nahi baith sakta tha…….gadha…….”

“Kya bore ho raha hai. Bola tha movie dekhne chalte hain ”

“Heads, we go Movie , Tails, we go Movie now!!!”

“class khatam hote hi Soft drink chahiye……”

3. Lab

“Expt. 2 Kiya kya??”

“Isme Karna kya hai??”

“Yeh bhai…..mereko aata to tere pass kyon aata……..”

“Are tu to bura maan gaya……. dikha na………”

4. Tests

“Tests???? …..Aree yaar…… ”

“Kya…… abe Test mein itna topic hai to annual mein kya hoga….”

“Boss….. hogaya……aur nahi ho sakta……..jaan nahi de sakta…….”

“Oh !!! Itna syllabus cover ho gaya ?”

“Aaj kounsa test hai?”

“Oye Mera dost kaha hai……uska roll number mere baad hai…….wo nahi aaya to mein pakka fail….”

After test……

“yaar pada tha….recall nahi kar paya…….chhod na ……. Canteen chalega…”

5. For attendance (less attendance isliye attendance badane ke liye bahane)

“I was in the class, lecturer mark karna bhool gaya ”

“Oye usko thoda khus kar list se tera naam hata dega……..”

“Bola tha proxy regularly maar……. Saale teri class karne ka kya faida hua…..”

6. Late submission of Projects

“Maine usko bola thaa ki copy karke mera assignment bhi saath mein submit kar dena”

“Last date extend hui thi”

“I didn’t know the last date”

“Ab mein kya karu usne mereko bole bina hi submit kar diya…….”

“They should allow XEROX……..”

7 . After exam

“Yeh bhi syllabus mein thaa kya?”

“Achha !!! ye aise hota hai kya?”

“Ye Kaunsi book me tha”

“1st mein 3 marks…..2nd mein 0…….3rd mein 2…….Gaya……….fail pakka…….”

“Yaar notice lagte hi faad dena……..wo kya soochegi mera marks dekh kar……”

8 VIVA (b4 exam)

“Submission ab tak hua nahi hai , VIVA kya ghanta doonga”

“Aeee……Rohit…..terese kya poocha…….”

“External ke ghar mein bacche nahi hai kya…….”

“Dekh Boss!! external bhi aadmi hai. Usko pata hai students ki ab tak preparation nahi hui hai”

9 . VIVA (General)

“Dekh , tu jo bhi padhega , woh (external) tereko woh nahi poochhnewaala, then watz the point”

“Roll no. 1 aur 2 ki watt laga di hai”

“External is asking Bermuda Triangle ka Magnetic force kitna hai”

“Ye kounse unit mein aata hai”

10 . Submission

“Ye bhi chhapna hai kya?”

“Iska bhi print-out lena hai kya?”

“Jai ho computer baba ki……jai ho Ctrl C - Ctrl V ki…….”

“Tujhe Sir ka sign aata hai kya?”

“Ye tune kya likha hai????”

(The best one)

“Jo word samajh mein aa raha hai woh likh, jo nahi samajh mein aa raha hai uski drawing nikal”

“Phir bhi, kuch to idea hoga??”

” Maine uska likha hai, mera assignment check ho gaya , tu bhi wohi kar.”

“Koi hint……..”

“Are baba ghasit de……..na tu samjega na wo……..”

12. Exam

“Jo (mujhe) aata hai, woh (paper mein)aata nahi hai; jo nahi aata hai who aata hai”

“ye question 2 saal se nahi poochha hai”

“ye last time hi poochha thaa”

“tere paas is ke notes hai??”

“woh chapter… mark weightage 6 marks… (facial ex-pressions speaks the story)”

“nahi samjha to rat le”

“External ke aane ke pura scene hai……. ”

“Iss paper mein roll number ka kya order hai……..”

“Pichle paper mein to kuch to aata tha…….issmein to anda aata hai……”

“Ek aur din ka gap de dete to kya 3rd World War ho jata tha kya……..”

…….. bas ek bar wapas lautne ka man karta hai ………
…….. Aaj har wo baat yaad aati hai…….
…….. kuch buri batein jo ab acchi lagti hain ……..
…….. kuch batein jo kal ki hi batein lagti hain ……..
…….. abki baar class attend karne ka man karta hai ……..
…….. Dopahar ki class mein aakhen band karne ka man karta hai……
…….. hostel ke chat ki wo raat yaad aati hai ……..
…….. exam ke time pe wo hasi mazak bahut pyari lagti hai ……..
…….. tab ki bekar lagne wali photo’s chehre pe hasi laati hai …….
…….. Apni galtiyon pe tumse daat khana yaad aata hai. ……..
…….. Par tumhari galti dekhne ka man karta hai……..
…….. Aaj tum bahut yaad aate ho…….
……..fir waise hi subah uthne ka man karta hai……..
……..bas ek bar wapas lautne ka man karta hai……..
……..bas ek bar aur …….
……..wapas lautne ka man karta hai
Dhadkane jab ahat karne lage,sansein jab shor karne lage
Nazrrein jab nazron mein rukne lage
Saare alam ki hulchul thamne lage
Aisi bhi hoti hain Khamoshiyaan
……………………………………
Dil mein jab bekraari badhne lage
Bin kahe sab samajh mein aane lage
Saari dunya ki hosh jab khone lage
Aisi bhi hoti hain Khamoshiyaan
……………………………………
Koi apna jab door hone lage
Kehne ko koi alfaaz na rahe
Kuch hone ki umeed bhi mitne lage
Aisi bhi hoti hain Khamoshiyaan
……………………………………
Kisis swaal mein har jawab nagawaar hone lage
band ankhon se tasveer dikhne lage
Nazrein jab ahista se seeli hone lage
Aisi bhi hoti hain Khamoshiyaan
……………………………………
Koi kisi ke liye hai jeeta
Aur kisi ko khabbar hi nahi
Ban ke hawa koi saansein hai deta
Aur kisi ko kadar hi nahi
Koi karke sajde kisi ke liye dua hai maangta
Aur kisi ko asar nahi
Chahkar bhi bata nahin sakta
Aur zara sa bhi besabar nahi
Bas samajhne ko reh jaye
Ho kehne ko kuch nahi
AISI BHI HOTI HAIN KHAMOSHIYAN……….
KHAMOSHIYAN……………………………….